English| മലയാളം
adoor

പത്തനംതിട്ട ജില്ലയിലുള്ള ഒരു പട്ടണമാണ് അടൂര്‍. ദാനം കിട്ടിയ നാട് എന്നര്‍ത്ഥം വരുന്ന 'അടര്‍ന്ന് കിട്ടിയ ഊര്' എന്ന പദം ലോപിച്ചാണ് അടൂര്‍ എന്ന പേരുണ്ടായതെന്ന് കരുതുന്നു. അടൂര്‍ ഭാസി, അടൂര്‍ ഗോപാലകൃഷ്ണന്‍ തുടങ്ങിയ പല പ്രശസ്തരുടെയും ജന്മസ്ഥലം അടൂരാണ്. തിരുവനന്തപുരത്തിനും എറണാകുളത്തിനും മദ്ധ്യേ ആണ് അടൂരിന്റെ ഭൂമിശാസ്ത്രപരമായ സ്ഥാനം. അടൂരിലെ പുരാതനമായ ഭഗവതീക്ഷേത്രത്തില്‍ അമൂല്യമായ ചില ശിലാശില്പങ്ങളുണ്ട്. എല്ലാ വര്‍ഷവും ഫെബ്രുവരിയിലാണ് ഭഗവതീക്ഷേത്രത്തിലെ ഉത്സവം. കേരള തനതു കലാ അക്കാദമി(The Kerala institute of folklore and folk arts) ഇവിടെ സ്ഥിതി ചെയ്യുന്നു. ശ്രീകൃഷ്ണന്റെ പാര്‍ത്ഥസാരഥി ക്ഷേത്രം അടൂരിലെ പ്രശസ്തമായ മറ്റൊരു ക്ഷേത്രമാണ്.